Kritiserer olje- og energiministeren for Acer-forklaring
Professor Peter Ørebech er svært kritisk til måten olje- og energiminister Terje Søviknes har presentert Acer-saka på.
Peter Ørebech, professor ved Universitetet i Tromsø og ekspert på EU-rett, meiner norsk tilslutning til Acer vil vere «ein einsidig abdikasjon av norsk lovgivars myndigheit.»
– Med dette vil vi kaste vrak på grunnleggande prinsipp i Grunnloven, seier Ørebech til Nationen (i papiravisa og bak ein betalingsmur på nett).
Nationen-oppslaget er basert på eit notat som Ørebech har laga for Nei til EU.
– Modellen som er vald, er den same som for finanstilsynet. ESA kjem til å følgje avgjerdene frå EU ord for ord, punkt for punkt. EUs finanstilsyn har 150 tilsette. ESA har ein person for å stette si oppgåve som finanstilsyn. Jobben denne personen gjer er i realiteten å vere ein translatør, seier Ørebech til avisa.
