Nina Sandal Engelbrektson syns det var grådig kjekt å stå på stand for Gloppen Nei til EU på Sandanedagane 16.–18. august.
– Den aller viktigaste grunnen til at eg er opptatt av å vere medlem i Nei EU er at vi skal ha råderetten over eigne ressursar, sa Engelbrektson, som stilte opp for lokallaget på den tradisjonsrike standen under Sandanedagane.
– Det er viktigaste grunnen til at eg er engasjert.
– Korleis er det å stå på stand for Nei til EU?
– Eg synest det er veldig gjevande. Det er grådig kjekt å bidra i Nei til EU, fortalde ho.
– Det er eit veldig viktig spørsmål for norsk politikk og Noreg si framtid. Eg synest vi skal vere meir bevisst på saka, også framover. Sjølv om det ikkje er ei heit potet i politikken akkurat no.
Artikkelen held fram under bildet.
![NIls R Sandal og Ivar Halland](/aktuelt/nina-engelbrektson/_/image/70b19d3d-8f71-4192-8cec-fb2255fbae24:bf1aeeab7ad2271f8b3bb34dc7fbc85068ee2d96/width-768/NIls%20R%20Sandal%20og%20Ivar%20Halland.jpg)
Gloppen Nei til EU stod på stand gjennom heile helga og kom i prat med mange folk som var innom Sandanedagane. Mange deltok i EU- og EØS-kvissen som lokallaget brukar for å kome i prat med folk.
Ein av dei fine premiane i kvissen var boka «Soga om Gloppen Nei til EU 1969–2020» som lokallagsleiar Jostein Hansen ga ut i 2023.
Sjå intervju med Nina Sandal Engelbrektson på YouTube her:
Stort bilde i toppen: Stand på Sandanedagane 17. august 2024. Frå venstre Jostein Hansen, Nina Sandal Engelbrekson og Aina Oline Engen. (Foto: Sindre Humberset)