Gå til hovedinnhold
27. sep. 2018

Vi skal feire 25-årsjubileum!

27. sep. 2018
Norsk EU-debatt
Om Nei til EU
25 årsjubileum
Neste år er det 25 år sidan det norske folket sa nei til EU-medlemskap i folkerøystinga 28. november. Korleis skal vi feire jubileet?

Folkerøystinga 28. november 1994 ga som resultat at 52,2 prosent av veljarane røysta nei. Kvinner var meir skeptiske enn menn, og folk på bygda meir skeptiske enn i tettbygde område.

Den historisk høge valdeltakinga på 88,9 prosent gav tyngde til resultatet. For andre gong hadde folkefleirtalet stått mot det enorme presset.

2004 og 2014

Tiårsjubileet for folkerøystinga vart feira med stor konferanse, jubileumsavis, arrangement rundt i landet og ein fest på Rockefeller i Oslo.

I 2014 feira Nei til EU eit dobbeltjubileum. Då var det 20 år sidan folke­røystinga i 1994, og det var 200 år sidan Grunnlova vart vedteken. Jubileumsåret vart feira over heile landet med arrangement frå kampanjelanseringa 10. februar til avslutninga med jubileumsfest på Sentrum Scene i Oslo 28. november 2014. I mellom hadde vi mellom anna jubileumsstafett som var innom 122 kommunar.

Jubileumsboka Folket sa nei

10 folket sa nei
Jubileumsboka «Folket sa nei». 

Dag Seierstad si jubileumsbok vart lansert 25. november 2014. Bokprosjektet var eit svært stort løft for Nei til EU. No er historia skriven, og boka får ny aktualitet når vi neste år skal feire 25-årsjubileet.

Vil ha innspel

Nei til EU inviterer no alle medlemer til å bidra med innspel til korleis jubileet skal feirast. Standpunkt vil følgje jubileumsfeiringa gjennom heile året.

Bestill jubileumsboka no

Jubileumsboka Folket sa nei kan bestillast på Nei til EU sin nettbutikk. 

Stort bilete: Festplassen i Bergen 25. september 1994. Foto: Per Lothar Lindtner og Unni Elisabeth Hovden.

Relatert

Kvifor får ikkje NtEU meir plass i presse og media?

Kvifor får ikkje NtEU meir plass i presse og media?

03. juli 2026

Igjen og igjen opplever me at meiningane våre vert kasta vrak på både i presse og media. Styret i Hordaland Nei til EU har mange medlemer som er glade i å ytra seg om kampsakene våre. Me sender lesarinnlegg både som sjølvstendige innlegg og som svar på andre sine innlegg. Me sender fakta der ja-sida har servert udokumenterte påstandar. T.d. i saker som omhandlar Brexit, peikar me på manglande dokumentasjon frå ja-sida, og me tilbyr nettopp det, faktabasert informasjon. Me kan lura på kvifor presse og media synes å vera interesserte i å støtta opp under feil-informasjon. I BT 29.6.26 kjem Morten Myksvoll med eit innlegg som osar av skremselspropaganda. Me er nær undergangen om me ikkje tenkjer medlemskap i samband med at Island vurderer dette. Me står utanfor, me er ein stat utan makt, me er utrygge osv. Det er ikkje måte på kva som vil henda oss om me no ikkje går inn i unionen. Eit svarinnlegg på dette var det ikkje plass til i BT. Då eg la innlegget ut som ein kommentar, ser eg at moderator har fjerna det. Er den frie pressa ein myte? Skal det vera slik at meiningsytringar som ikkje fell i smak hos redaktøren, berre skal neglisjerast? Eg publiserer her innlegget mitt, eit innlegg som haltar litt fordi Myksvoll sitt innlegg ikkje vert publisert samstundes. Dette kan ein sjå ved å gå inn på bt.no.