EU og EØS-avtalen. Stortingsvalet 2025

Hordaland Nei til EU har intensivert arbeidet med kunnskapsformidling. Det å få spreidd etterretteleg, dokumenterbar og aktuell informasjon er ei av hovudsakene våre . Det har vore fleire medlemsmøte, studiekveldar og stands så langt i år. Me har laga mange løpesetlar der me har lagt vekt på kort og konkret informasjon. Fylkeslaget og lokallaget i Bergen har arbeidd saman på mange av aktivitetane.
13. august arrangerer Hordaland Nei til EU i samarbeid med Bergen NtEU eit større seminar der kandidatar til stortingsvalet 2025 er inviterte.
I tillegg til den politiske debatten vert det to innleiingar. Me har invitert innleiarar med høgst ulikt syn på EU og EØS. For å ta gode standpunkt, er det viktig at me orienterer oss om begge sider sine meiningar og grunngjevingar for desse.
Seminaret er ope for alle som ønskjer å delta, uavhengig av medlemskap i NtEU.

Grunna enkel servering, ber me om påmelding. Du melder deg på via denne lenka:
https://forms.gle/mypRzEUpJ3AKZrWH9
Eventuelt tar du direkte kontakt med fylkesleiar Toril Mongstad, mobil 90026044 eller e-post toril.mongstad@online.no

Velkomen skal du vera!

Program for seminaret:

Dato og tid: 13. august 2025, kl 16 - 20
Stad: Hovudbiblioteket Bergen, auditoriet
Tema: EU og EØS-avtalen. Stortingsvalet 2025

Program

16.00 Opning v/ fylkesleiar Toril Mongstad
16.15 Innleiing v/ Jan Erik Grindheim, statsvitar med doktorgrad i
samanliknande politikk. Tidlegare leiar i Europabevegelsen i Norge
16.45 Innleiing v/ Morten Harper, jurist og utgreiingsleiar i Nei til EU
17.15 Spørsmål og debatt
17.50 Pause
18.00 Paneldebatt med representantar frå FrP, Høgre, KrF, Senterpartiet, Venstre, AP, SV og Rødt
Partia får 3 minutt kvar til kort presentasjon om EU og EØS-avtalen
Debatt
19.50 Avslutning v/ leiar i Bergen NtEU, Tor Sander