Ope møte i Odda

Frå fylkesstyret vil leiar og nestleiar delta. Det vert innleiing om den aktuelle politiske situasjonen der norsk tilslutning til EU sin 4. energimarknadspakke, tettare tilknyting til EU, ACER og EU sin energiunion er tema. Det sterke krefter som ønskjer at Norge igjen blir medlem av EU med presidentvalet i USA som ein av grunnane for dette. Nei til EU er i vekst og er ei viktig motkraft mot ytterlegare norsk tilknyting til den Europeiske Unionen gjennom EØS-avtalen.

Nei til EU har mange medlemer i Ullensvang, men har ikkje noko aktivt lag lenger. Under EU-kampen i 1994 var det velfungerande lag i både Jondal, Ullensvang herad og Odda. I det opne møtet måndag 3. mars, ønskjer me og å drøfte korleis eit lokallag i nye Ullensvang kommune kan kome på plass. Kanskje klarar me å skipa eit interimsstyre? Det er og høve for interesserte å teikna medlemskap på det opne møtet.

Hjarteleg velkomen skal du vera! Inviter gjerne med deg vener og kjende for å få aktuell informasjon frå Nei til EU.

Det er ikkje påkravd med påmelding, men gje oss gjerne ei attendemelding om du kunne tenkja deg å delta på dette møtet.

Beste helsing

Hordaland Nei til EU Toril Mongstad, fylkesleiar, 90026044, toril.mongstad@online.no Sigmund Simmenes, nestleiar, 97178471, sigmund@simmenes.no