Boklansering: Soga om Gloppen Nei til EU
Jostein Hansen lanserer boka si «Soga om Gloppen Nei til EU 1969–2020 : overnasjonal kapital, nasjonal sjølvråderett og lokal motstand».
Gratis inngang. Boksal.
Baksidetekst:
Ved folkerøystinga i 1972 sa heile 84 prosent av dei glopparane som røysta nei til medlemskap i EF. Over 20 år seinare, i 1994, stemte nær 78 prosent av nei igjen. Gloppen Nei til EU har vore det sterkaste Nei til EU-lokallaget i landet i høve til folketalet. Ved den første folkerøystinga om medlemskap i 1972 hadde laget heile 1500 medlemmer. I 1994 hadde laget 636 medlemmer. Gjennom samtalar med sentrale personar i lokallaget, arkivmateriale frå protokoller og aviser, gir Jostein Hansen eit innblikk i kvifor kampen mot europaunionen har engasjert så mange i Gloppen.
Dette er første gongen det er skrive om arbeidet og historia til eit lokallag av Nei til EU.
Jostein Hansen (fødd 1944) er førsteamanuensis i sosiologi og samfunnsfag, fødd på Sandane i Gloppen. Han har arbeidd på Høgskulen i Alta i 34 år, men er no pensjonist. I 2008 flytta han tilbake til Sandane. Hansen har tidlegare gitt ut boka Saueull, fossekraft og gründerånd : Evebøfoss fabrikker 1910-1984 (Selja 2019). Han har og vore leiar i Gloppen Nei til EU frå 2009 til 2022, og medlem av fylkesstyret fram til 2020.
Stort bilde i toppen: Jostein Hansen presenterer den nye boka om Gloppen Nei til EU. (Faksimile frå Firda Tidend 3. mars 2023)
