Gå til hovedinnhold
04. jan. 2019

Nei til EU hadde medlemsvekst i 2018!

04. jan. 2019
Organisasjon
Om Nei til EU
I 2018 gjekk medlemstalet opp, etter fleire år med nedgang. – Vi treng framleis fleire unge, og vi treng kvinner, seier generalsekretær Thomas Haug.

Talet på betalande medlemer i Nei til EU var ved årsskiftet 20 845. Det er 137 fleire enn ved førre årsskiftet. Medlemstalet i Nei til EU auka altså i 2018, etter å ha gått ned kvart år sidan 2010.
Medlemsregisteransvarleg Kjell Arnestad er nøgd med framgangen.

– Det er spesielt ACER-saka som gav oss mange nye medlemer i 2018, og dei aller fleste melde seg inn i første kvartal då EUs energiunion stod sentralt i både Nei til EUs kampanjearbeid og i media.

– Vi fekk i overkant av 2000 nye medlemer i 2018, og litt over 1700 av dei har no betalt kontingenten. Tala viser òg at gjenverving ute i fylka er viktig for å halde på medlemene vi alt har fått, seier Arnestad.

Meir balansert organisasjon

Arnestad viser til at dei nye medlemene gjer Nei til EU meir representative for heile neisida.

– Nei til EUs nye medlemer er litt yngre og i litt større grad kvinner.

– Det gler oss at verving faktisk gjev oss ein betre balansert organisasjon slik at medlemene speglar att den typiske norske EU-motstandaren; ei yngre kvinne!

– Det er sjølvsagt viktig for Nei til EU å organisere så mange som mogleg av nye EU- og EØS-motstandarar no som ordskiftet opnar seg i fagrørsla og fleire og fleire ser kva nye EU-reglar får å seia for faglege rettar og velferdsgode i Noreg.

Vil bli endå fleire

Nei til EU klarte å få medlemsframgang i 2018, men skal framgangen også halde fram i 2019, må heile organisasjonen mobilisere. Generalsekretær Thomas Haug har ei oppmoding til alle medlemer, aktivistar og tillitsvalde i organisasjonen:

– Medlemene er ryggrada i Nei til EU. Vi treng medlemer for å ha ei framleis aktiv grasrot. Kjenner du nokon som du har diskutert EU eller EØS med og som du tror kan ha samme standpunkt som oss i Nei til EU, så må du spørje dei: Vil du bli medlem i Nei til EU?

– Nei til EU har mange medlemer, men gjennomsnittsalderen er høg, og vi har for få kvinner. Difor treng vi fleire unge vaksne, og vi treng kvinner som medlemmer.

Stort bilete: Rådsmøtet i Nei til EU i april 2018 feira at vi hadde fått inn 2000 nye medlemer i løpet av Acer-kampanjen. Foto: Sindre Humberset

Korleis bli medlem?

Relatert