Folkemøtet på Bornholm er Danmarks Arendalsveke. Nestleiar Olaf Gjedrem var invitert av Folkebevægelsen mod EU til å delta for Nei til EU.
– På invitasjon frå dansk Folkebevægelse mod EU deltok eg på dette arrangementet. Mitt hovedbudskap var at den viktigaste grunnen til den sterke norske motstand var folkestyre. Om folkestyret vert svekka er dette eit betydeleg tap.
– Me opplever eit Brusselmiljø i EU som tiltek seg stadig større makt på bekostning av det enkelte land. Prosessane mot vedtak er ofte hemmelege og utan særleg folkeleg kontroll og ansvar. For innbyggjarane er dette farleg, skapar apati og tek bort trua på at dei eller våre mange ideelle organisasjonar kan innverka på dei politiske rammane for våre liv og verksemder.
– Dette er nok grunnen til at EU hater folkeavstemninger, for folket i mange EU land ynskjer ikkje å verta framandgjorde.
– I tillegg har Norge ein fri stilling i verdenssamfunnet som av eige initiativ kan utføra viktige prosessar i utlandet, og forma vår eigen framtid. Me kan vera miljøpådrivarar, klimaforkjemparar og langt på veg ha hand om vår eigen velferd, sikra god økonomisk utvikling og utvikla næringslivet.
Ut av EØS, for handelsavtale
– For å kunna gjera dette endå betre og ha tilstrekkelege verktøy, vil me oppheva EØS avtalen og få tilbake vår handelsavtale med EU.
– Me handlar stadig mindre med EU , og aukar handelen med andre land. EU treng våre varer og tenester like mykje som oss.
– Eg håpar at våre visjonar også kan verta viktige for Danmark, slik at me igjen kan få eit tett samarbeid med vår gode nabo i sør.
– Folkebevægelsen trengs i Danmark, dei er viktige til å få folket med seg i ynskjet om å få makta tilbake til landet. EU skal ikkje bestemma alt, Brussel veit ikkje best. Eg takka dei for trufast innsats, inviterte dei til fortsatt samarbeid og ynskte dei lukke til.
