Løgn om ACER,EU og arvesølvet vårt, Terje Søviknes.
Olje og energiminister, Terje Søviknes virkar som han føler seg pressa til å gå ut i norske aviser og roa ned den store motstanden i folket mot å overføra kontroll og reguleringsmynde frå NVE,Noregs vassdrags og energibyrå til ACER, som er EU sitt energibyrå.
I debattinnlegga sine hevdar han at motstandarane sin argumentasjon «preges av feilaktige påstander»
Vidare skriv Søviknes; « Selv om Norge tar del i et mer harmonisert regelverk for energimarkedene gjennom EØS-avtalen, har vi full suverenitet over energiressursene våre»
Dette er LØGN Terje Søviknes. Frå og med Gro Harlem Bundtland til og med di regjering, har ulike regjeringar og stortingsfleirtal tilpassa Noreg til EU.
Noreg røysta Nei til medlemskap i EU både i 1972 og i 1994. Ved begge røystingane var det eit fleirtal av norske kvinner og menn, som sa tydeleg frå om at dei ville ha sjølvråderett og ikkje bli styrte frå Brüssel.
Gro Harlem Brundtland var i forkant av røystinga i 1994 føre var og «overtalte» stortingsfleirtalet til å gå med på å erstatta den tosidige Handelsavtalen Noreg då hadde med EU med EØS-avtalen, med dei fylgjene at Noreg måtte gi opp mykje av sjølvråderetten sin. Direktiv etter direktiv frå Brüssel har gradvis bygd ned sjølvråderetten vår.
Vasskrafta skulle i utgangspunktet ikkje vera ein del av EØS-avtalen.
Men no vil EU og ACER gjerne ha arvesølvet vårt inn som ein del av EØS- avtalen.
Til no er det skrive meir enn tusen sider av eit regel verk for ei samordning av kraftproduksjon, kontroll og regulering av dette i EØS- området.
Her er det tydeleg at EU og ACER skal styre det heile.
Som for EØS- avtalen generelt vil det koma utfyllande direktiv til dei allereie tusen sidene av regelverk for at effektivitet og inntening skal bli størst mogeleg.
Terje Søviknes – Ved å gå inn i EU sin energiunion mister Noreg suvereniteten til å styre, kontrollere og regulere norsk vasskraftproduksjon.
Terje Søviknes – kvifor nemner du ikkje opprettinga av RME, (Reguleringsmynde for energi). Dette er eit nytt organ som skal erstatta funksjonane til NVE. Dette organet skal vera frikopla styring og kontroll frå folkevalde på Storting og i regjering.
RME skal med andre ord gjera vedtak om norsk vasskraftproduksjon i samhandling med EU-kommisjonen og ACER utan at vår nasjonalforsamling skal stå opp for norsk eigedom og kraftproduksjon! Vedtak gjort av EU- kommisjonen går vidare til ESA, som gjer kopivedtak ( berre sender det vidare) til RME, som signerer vedtaket og gjer tiltak i samsvar med vedtaket i EU- kommisjonen.
RME skal med andre ord styre energipolitikken i Noreg!
Stort bilde i toppen: Krafta er vår
